Kreu - Këshilli i Lartë Gjyqësor

Mirësevini në faqen e Këshillit të Lartë Gjyqësor

Për një drejtësi transparente, të shpejtë dhe efikase

Mesazhi nga Kryetari

Të nderuar vizitorë të faqes sonë zyrtare,

Si Kryetar i Këshillit të Lartë Gjyqësor, më lejoni t’ju përshëndes dhe t’ju falënderoj për interesin që tregoni për veprimtarinë e institucionit tonë. Këshilli i Lartë Gjyqësor, si një ndër institucionet më të rëndësishme të prodhuar nga reforma në drejtësi ka si mision kryesor garantimin e funksionalitetit të sistemit të drejtësisë në mënyrë të drejtë, të pavarur, profesionale dhe të orientuar drejt shërbimit të hapur, të përgjegjshëm dhe efiçent, i cili së bashku me besimin e publikut, mbështet zhvillimin e reformave të qëndrueshme dhe efektive në sistemin gjyqësor.

Një ndër prioritetet tona kryesore është ruajtja e standardeve më të larta profesionale dhe etike në gjyqësor. Pavarësia e gjyqtarëve është themeli i një drejtësie të paanshme, dhe ne punojmë çdo ditë për të siguruar që gjyqtarët tanë të kenë integritetin e nevojshëm për të marrë vendime të drejta e të pandikuara nga faktorë të jashtëm. Integriteti dhe pavarësia e gjyqësorit janë në fokus të misionit tonë për të ndërtuar një shoqëri të drejtë dhe të barabartë.

Në këtë kontekst, kolegjialiteti dhe bashkëpunimi brenda sistemit gjyqësor, me institucionet e tjera të drejtësisë si dhe partnerët ndërkombëtar janë gurë themeli për suksesin tonë të përbashkët. Vetëm përmes një fryme bashkëpunuese mund të arrijmë objektivat e reformës dhe të përmbushim pritshmëritë e qytetarëve për një sistem drejtësie që u shërben interesave të tyre në mënyrën më të mirë të mundshme.

Faleminderit që vizituat faqen tonë! Jemi të hapur për të ndarë informacione dhe për të bashkëpunuar me të gjithë aktorët që ndihmojnë në forcimin e sistemit të drejtësisë në vend.

Me respekt të veçantë,

Prof.Asoc.Dr. Ilir Rusi

Kryetari i Këshillit të Lartë Gjyqësor

Rreth Nesh

Shqipëria po zbaton një reformë të thellë të sistemit të drejtësisë duke u kujdesur që legjislacioni të jetë koherent e që institucionet e sistemit të drejtësisë të punojnë me performancë të lartë, të ketë një ndarje të pushteteve dhe të gjithë të trajtohen në mënyrë të drejtë e të barabartë përpara ligjit. Reforma kushtetuese dhe legjislative gjithëpërfshirëse u hartua me qëllim forcimin e integritetit dhe qeverisjes së gjyqësorit në vend.

Në gusht 2016, ndryshimet kushtetuese i hapën rrugë kësaj reforme. Kuvendi miratoi një paketë ligjore e cila mundësoi ngritjen e një strukture të re kushtetuese – Këshilli i Lartë Gjyqësor. Këshilli u krijua për ti mbikëqyrur këto ndryshime dhe për të garantuar një funksionim më të mirë të gjyqësorit në Shqipëri.

KLGJ është e përkushtuar të garantojë një pushtet gjyqësor të pavarur, të paanshëm, transparent dhe efikas që gëzon besimin e publikut dhe që mbështet zhvillimin e vendit dhe integrimin e tij drejt Bashkimit Evropian.

Disa nga funksionet kryesore të Këshillit të Lartë Gjyqësor janë miratimi dhe zbatimi i planit strategjik për sistemin e gjyqësor dhe raportimi para Kuvendit mbi gjendjen e tij. Ai është përgjegjës për miratimin e standardeve të etikës gjyqësore, rregullave të sjelljes të gjyqtarëve dhe mbikëqyr respektimin e tyre. Këshilli emëron gjyqtarët dhe është përgjegjës për zhvillimin e karrierës dhe disiplinën. Ai i propozon Presidentit të Republikës, kandidatët për Gjykatën e Lartë. Këshilli kujdeset për mirëfunksionimin e shërbimeve të administrimit gjyqësor dhe burimeve njerëzore në gjykata. Ai harton buxhetin vjetor dhe është përgjegjës për mbikëqyrjen e shpenzimeve. Këshilli në ushtrim të funksioneve nxjerr akte, të cilat botohen në këtë faqe interneti në rubrikën Vendime sipas llojit të aktit.

Mbledhja e parë e Këshillit të Lartë Gjyqësor u zhvillua më datë...

Lexo më shumë