Biografia

Z. Ilir Rusi është kryetar i Këshillit të Lartë Gjyqësor, i zgjedhur si anëtar nga rradhët e pedagogëve të Fakultetit të Drejtësisë dhe të Shkollës së Magjistraturës. Ai zotëron titullin “Profesor i Asociuar” dhe është diplomuar për gradën shkencore “Doktor” në të Drejtën Civile nga Universiteti i Tiranës. Përvoja e tij profesionale përfshinë detyra dhe emërime të ndryshme ndër vite, si: Dekan i Fakultetit të Drejtësisë në Tiranë, zv. Dekan në po të njëjtin Fakultet, si dhe Pedagog në Departamentin e të Drejtës Civile.

Ai ka mbajtur funksionin e Zëvendëskryetarit të Këshillit të Lartë Gjyqësor nga data 02.03.2022 deri më 22.10.2024, datë në të cilën është zgjedhur Kryetar i Këshillit të Lartë Gjyqësor.

Biografia

Znj. Yllka Rupa është anëtare e Këshillit të Lartë Gjyqësor, e zgjedhur nga Kuvendi i Shqipërisë, nga rradhët e pedagogëve të Fakultetit të Drejtësisë dhe të Shkollës së Magjistraturës. Ajo është diplomuar për Drejtësi në Universitetin e Shkodrës dhe aktualisht zotëron gradën shkencore “Doktor” të lëshuar nga Institucioni “Qendra e Studimeve Albanologjike”, Tiranë. Përvoja e saj profesionale përfshin detyra dhe emërime të ndryshme ndër vite, si Zv. Dekane e Fakultetit të Drejtësisë në Universitetin e Shkodrës, Përgjegjëse e Departamentit të së Drejtës Civile, Anëtare e Këshillit të Etikës, si dhe Pedagoge në po të njëjtin Universitet.

Biografia

Z. Albens Tabaku është anëtar i Këshillit të Lartë Gjyqësor, i zgjedhur në korrik 2024 nga Kuvendi i Shqipërisë, nga rradhët e avokatëve. Ai është diplomuar si jurist nga Fakulteti i Drejtësisë, Universiteti i Tiranës, si edhe zotëron diplomë të nivelit Master i Shkencave në fushën “E drejtë private”, në Universitetin Europian të Tiranës. Përvoja e tij profesionale përfshin detyra dhe funksione të ndryshme ndër vite, si: ndihmës gjyqtar pranë Gjykatës së Shkallës së Parë Korçë, Këshilltar Ligjor pranë Agjencisë Rajonale të Zhvillimit të Biznesit (ARZHB), pedagog i jashtëm në Universitetin “Fan S. Noli”, Korçë si dhe Avokat, duke filluar nga viti 2000.

Biografia

Znj. Emona Muçi është anëtare e Këshillit të Gjyqësor, e zgjedhur nga rradhët e gjyqtarëve në dhjetor të vitit 2023. Ajo zotëron diplomë në Drejtësi, në Fakultetin e Drejtësisë, Universiteti i Tiranës. Përvoja e saj profesionale përfshin detyra dhe funksione të ndryshme ndër vite, si: gjyqtare, ndihmësligjore në Gjykatën e Lartë, kryetare e komanduar në Gjykatën e Rrethit Gjyqësor Pogradec, anëtare e Kolegjit Zgjedhor Gjyqësor, gjyqtare në Gjykatën e Apelit Tiranë, si dhe Pedagoge në Fakultetin e Drejtësisë, Universiteti i Tiranës.

Biografia

Znj. Irena Plaku është anëtare e Këshillit të Gjyqësor, e zgjedhur nga rradhët e gjyqtarëve në vitit 2021. Ajo zotëron diplomë në Drejtësi, në Fakultetin e Drejtësisë, Universiteti i Tiranës. Znj. Plaku ka kryer stazhin profesional pranë Gjykatën e Rrethit Gjyqësor Tiranë. Ajo ka ushtruar funksionin e gjyqtares në Gjykatën e Rrethit Gjyqësor Korcë dhe nga viti 2016 ka ushtruar funksionin pranë Gjykatës së Rrethit Gjyqësor Tiranë.

Biografia

Znj. Gentiana Muçaj është anëtare e Keshillit të Lartë Gjyqësor, e zgjedhur nga rradhët e gjyqtarëve në dhjetor të vitit 2023. Ajo zotëron diplomë në Drejtësi, në Fakultetin e Drejtësisë, Universiteti i Tiranës. Znj. Muçaj ka ushtruar funksionin e gjyqtares në Gjykatën e Rrethit Gjyqësor Lezhë dhe Gjykatën Administrative të Shkallës së Parë Tiranë.

Biografia

Znj. Violanda Theodhori është anëtare e Këshillit të Lartë Gjyqësor, e zgjedhur në tetor 2024 nga Kuvendi i Shqipërisë, nga rradhët e përfaqësuesve të shoqërisë civile. Znj. Theodhori është diplomuar në drejtësi, si edhe ka përfituar diplomën Master, në fushën “E Drejta Publike”, pranë Universitetit të Tiranës. Gjithashtu, ajo ka kryer studime pasuniversitare 1 vjeçare pranë Faktultetit të Shkencave Natyrore, në degën informatikë.

Përvoja e saj profesionale përfshin detyra dhe funksione të ndryshme ndër vite, duke kontribuar në sektorë të ndryshëm të drejtësisë dhe gjyqësorit. Po ashtu, znj. Theodhori është angazhuar në organizata të ndryshme të shoqërisë civile, si edhe gjatë gjithë karrierës së saj ka kontribuar në veprimtari shkencore, konsultim dhe hartim legjislacioni, si dhe një sërë botimesh të ndryshme.

Biografia

Z. Bledar Bajri është anëtar i Këshillit të Lartë Gjyqësor, i zgjedhur në korrik 2024 nga Kuvendi i Shqipërisë, nga rradhët e avokatëve. Ai është diplomuar si jurist nga Fakulteti i Drejtësisë, Universiteti i Tiranës. Gjithashtu z. Bajri ka përfunduar në vitin 2007 studimet në Fakultetin e Shkencave Sociale, në Universitetin e Tiranës. Z. Bajri, duke filluar nga viti 2002, ka një përvojë të gjatë profesionale si Avokat, në fushën e të drejtës penale, civile dhe asaj administrative.

Biografia

Z. Klodian Kurushi është anëtar i Këshillit të Lartë gjyqësor, zgjedhur nga rradhët e gjyqtarëve në vitin 2021. Ai zotëron diploma në Drejtësi, në Fakultetin e Drejtësisë, Universiteti i Tiranës. Z. Kurushi është diplomuar në gradën shkencore “Doktor” në të Drejtën Penale. Përvoja e tij e profesionale përfshin detyra dhe funksione të ndryshme ndër vite, si: Anëtar i Gjykatës së Lartë, gjyqtar dhe zv/kryetar në Gjykatën e Shkallës së Parë për Krimet e Rënda, gjyqtar në Gjykatën e Rrethit Gjyqësor Sarandë, si dhe Pedagog në Departamentin e të Drejtës Penale, Fakulteti i Drejtësisë, Universiteti i Tiranës.

Biografia

Z. Markelian Koça është anëtar i Këshillit të Lartë Gjyqësor, i zgjedhur nga radhët e gjyqtarëve në dhjetor të vitit 2023. Ai zotëron diplomë në Drejtësi, në Fakultetin e Drejtësisë, Universiteti i Tiranës. Gjithashtu zotëron diplomë të nivelit Master i Shkencave në “E drejtë civile”, në Universitetin e Tiranës. Z. Koça ka ushtruar funksionin e Zv/Kryetarit në Gjykatën e Rrethit Gjyqësor Durrës, gjyqtar dhe ndihmës gjyqtar në po të njëjtën gjykatë. Po ashtu Z. Koça ka qenë pedagog i jashtëm në Universitetin “Aleksandër Moisiu” në Durrës për disa vite dhe në vitet 2009 deri 2016 ka gjykuar disa çështje si gjyqtar në Gjykaten Europiane të të Drejtave të Njeriut në Strasburg.