Njoftim për Shtyp datë 13 Shtator 2024
Sot, në datë 13.09.2024, Këshilli i Lartë Gjyqësor zhvilloi Mbledhjen Plenare të radhës në të cilën shqyrtoi çështjet si më poshtë:
Këshilli vendosi ndryshimin e vendimit nr. 13, datë 18.01.2019, “Mbi ngritjen dhe përbërjen e Komisioneve të Përhershme”, i ndryshuar.
Referuar vendimit të sipërcituar, përbërja e Komisioneve të Përhershme do të jetë si vijon:
Komisioni i Planifikimit Strategjik Administrimit dhe Buxhetit (KPSAB)
Anëtarë:
Znj. Naureda Llagami;
Z. Ridvan Hado;
Znj. Yllka Rupa.
Anëtarë Zëvendësues:
Znj. Emona Muçi;
Z. Albens Tabaku.
Komisioni Disiplinor (KD)
Anëtarë:
Z. Ridvan Hado;
Znj. Emona Muçi;
Z. Bledar Bajri.
Anëtarë Zëvendësues:
Z. Markelian Koça;
Z. Ilir Rusi.
Komisioni i Vlerësimit të Etikës dhe Veprimtarisë Profesionale (KVEVP)
Anëtarë:
Znj. Irena Plaku;
Znj. Gentiana Muçaj;
Z. Ilir Rusi.
Anëtarë Zëvendësues:
Z. Ridvan Hado;
Z. Bledar Bajri.
Komisioni i Zhvillimit të Karrierës (KZHK)
Anëtarë:
Z. Klodian Kurushi;
Z. Markelian Koça;
Z. Albens Tabaku.
Anëtarë Zëvendësues:
Znj. Emona Muçi;
Znj. Yllka Rupa.
Në vijim, Këshilli miratoi vendimin për një ndryshim në vendimin nr. 10, datë 18.01.2024 “Për përbërjen e Komisionit të Përkohshëm për shqyrtimin e ankimeve kundër vendimeve të Inspektorit të Lartë të Drejtësisë për arkivimin e ankimit ose pushimin e hetimit ndaj një gjyqtari, për vitin 2024” të Këshillit të Lartë Gjyqësor.
Këshilli miratoi hapjen e procedurës së lëvizjes paralele për 5 (pesë) pozicione të lira në Gjykatën e Shkallës së Parë të Juridiksionit të Përgjithshëm Tiranë, konkretisht 2 (dy) pozicione të lira në fushën e të drejtës civile dhe 3 (tre) pozicione të lira në fushën e të drejtës penale.
Pas shqyrtimit të kërkesës së gjyqtares znj. {…}, Këshilli vendosi dhënien e lejes së papaguar për një afat të caktuar.
Këshilli vendosi pranimin në shërbimin civil gjyqësor të:
- Znj. Aida Mertiri në pozicionin e ndihmëses ligjore në Njësinë e Shërbimit Ligjor pranë Gjykatës Administrative të Apelit Tiranë;
- Znj. Enida Lamçe në pozicionin e ndihmëses ligjore në Njësinë e Shërbimit Ligjor pranë Gjykatës së Apelit të Juridiksionit të Përgjithshëm Tiranë;
- Znj. Majlinda Miska në pozicionin e ndihmëses ligjore në Njësinë e Shërbimit Ligjor pranë Gjykatës Administrative të Apelit Tiranë;
- Znj. Aneta Strakosha në pozicionin e ndihmëses ligjore në Njësinë e Shërbimit Ligjor pranë Gjykatës së Apelit të Juridiksionit të Përgjithshëm Tiranë.
Këshilli vendosi për një ndryshim në numrin e pozicioneve të punës në Gjykatën e Lartë dhe gjykatat e shkallës së parë me juridiksion të përgjithshëm Berat, Fier dhe Tiranë.
Këshilli miratoi listën përfundimtare të gjyqtarëve që do të marrin pjesë në hedhjen e shortit për përzgjedhjen e anëtarëve të Kolegjit Zgjedhor Gjyqësor, i cili do hidhet më datë 16.09.2024 në ambientet e Këshillit ora 10:00 në prani të përfaqësuesve të partive politike, mediave dhe publikut.
Në përmbushje të detyrimeve ligjore, Këshilli miratoi raportin për vlerësimin etik dhe profesional të gjyqtares znj. {…} për vitin 2022.
Gjithashtu, Këshilli miratoi raportin për vlerësimin etik dhe profesional të gjyqtares znj. {…}, me qëllim gradimi, për periudhën e vlerësimit 2013-2016.
Këshilli vendosi për caktimin e gjyqtarëve për gjykimin e çështjeve gjyqësore të veçanta në gjykata të tjera, të ndryshme nga ajo ku ushtrojnë funksionin në mënyrë të përhershme.
Këshilli vendosi miratimin e procesverbaleve të mbledhjeve të Këshillit të Lartë Gjyqësor të datave: 03.06.2024, 05.06.2024, 10.06.2024, 18.06.2024, 03.07.2024, 09.07.2024, 11.07.2024 dhe 24.07.2024.
Në përfundim të mbledhjes, Këshilli miratoi vendimin për një ndryshim në vendimin nr. 302, datë 05.06.2023 “Për ngritjen e Komisionit të Përkohshëm për verifikimin e kushteve dhe dokumentacionit që duhet të plotësojë magjistrati (gjyqtar) për të përfituar kredi për banim, si dhe miratimin e listës së magjistratëve (gjyqtarë) përfitues nga skema e subvencionimit të interesave të kredisë”, i ndryshuar të Këshillit të Lartë Gjyqësor.